jueves, 4 de abril de 2019

VISITA DE YOLANDA CASTAÑO

Hoxe recibimos a visita da poetisa Yolanda Castaño para falarnos do seu libro “Coller as rendas” o cal lemos, comentamos, debuxamos, recitamos... durante o segundo trimestre.

“Coller as rendas”ofrece sinxelos pero divertidos versos que afondan na importancia de reforzar os valores de respecto á personalidade de cada individuo, a través da descrición da situación e as peculiaridades de distintos animais. A finalidade dos poemas e das ilustracións é dar a entender que na natureza cadaquén ten o seu deber e os animais saben o porque da súa existencia

Yolanda animounos a escribir, contounos que ela comezou con oito anos.
Escribiunos unhas preciosas dedicatorias nos nosos exemplares que nos fixeron moita ilusión.
Grazas pola visita, Yolanda.

viernes, 1 de marzo de 2019

ENTROIDO 2019

Coa temática do Proxecto Terra «O Barrio de Esteiro» que estamos a traballar neste curso, aproveitamos para disfrazarnos. Así saímos en comparsa caracterizados de universitarios do Campus de Esteiro, Pasámolo moi ben cantando e berrando pola rúa, acompañados de familiares e curiosos.

jueves, 14 de febrero de 2019

Actividade de 1º de Primaria

Hoxe, na clase de matemáticas, fixemos un mercado, aprendemos a utilizar os €, pasámolo moi ben e mercamos moitas cousas.

martes, 12 de febrero de 2019

DÍA DA MULLER E A NENA NA CIENCIA


Con motivo da celebración do Día da Muller e da Nena na Ciencia, recibimos a visita de nosa exalumna Isabel Rial, investigadora do Departamento de Farmacoloxía da USC. Isabel recibiu un premio extraordinario pola súa tese doutoral. Agora traballa na Universidade de Aveiro (Portugal) cunha beca da Xunta.

Isabel realizou diferntes experimentos cos nenos e nenas


Con bicarbonato e vinagre creou un gas para inflar globos.
Quitoulles a cor aos lacasitos.
Diluíu cores con lavalouzas. 


Todo un espectáculo para os nosos pequenos científicos.


viernes, 1 de febrero de 2019

MUSEO NAVAL

Hoxe visitamos o Museo Naval de Ferrol.
Durante o paseo descubrimos a viculación da Armada coa nosa cidade. 
Laura, a monitora, explicounos moitas cousas relacionadas co mar: áncoras, mergulladores, fragatas, carabelas, camarotes...









viernes, 9 de noviembre de 2018

SEMANA DA CIENCIA

Nesta Semana dedicada á Ciencia, a nosa ANPA organizou unha morea de actividades. Na xornada de hoxe voluntarios de Física de 4º da ESO co seu profe David García, traballaron arreo para que os nenos e nenas de primeiro e segundo de primaria tiveran unha divertida sesión de "maxia" no laboratorio.
Fernando, Manu, Aaron, Carmen, Andrea, Irene, Uxía, Marta, Antía e Carla foron os fantásticos voluntarios. 

Crearon 5 experimentos magnéticos feitos con imáns:


 1  TREN MAGNÉTICO QUE LEVITA?
Carmen e Arón con Omar

2 CARREIRA DE BOLAS
Andrea e Irene tamén o pasaron ben cos peques.

3 TREN ELÉCTRICO (Tubo de cobre e pilas con imáns)
Uxía e Marta mostrando o mecanismo  do tren.

4 FRENO MAGNÉTICO (Conseguiron crear a forza da gravidade)
Manu e Lucía axudan a mirar polo tubo do espectacular freo magnético.

5 LIÑAS DE FORZA (Observamos as liñas de forza que aparecen entre dous imáns)
!
Antía e Carla amosando as preciosa liñas de forza que forman os imáns.

Orgullosos dos nosos alumnos e alumnas!

miércoles, 31 de octubre de 2018

SAMAÍN 2018

Bruxas, esqueletos, morcegos, vampiros... Todo o terror vale para celebrar a festa do Samaín.





viernes, 5 de octubre de 2018

Museo de Historia Natural

Hoxe visitamos o Museo de Historia Natural onde se atopa a maior colección de ósos de cetáceos de España. Puidemos observar aves, fósiles de especies terrestres e mariñas, así como exemplares de insectos, quenllas, serpes… Tamén nos atopamos cunha das maiores coleccións de cunchas mariñas do mundo.

PREMEDE AQUÍ PARA VER TODAS AS FOTOS

Balea Común



Lura xigante de 8 metros, poden medir hasta 20 metros



 Balea Alibranca

Cunchas

Pitón Africana


martes, 19 de junio de 2018

viernes, 4 de mayo de 2018

Lectura compartida


Os nosos compañeiros e compañeiras de sexto son os nosos “padriños e madriñas” no cole. Cóidannos e axúdannos cando o necesitamos, esta mañá léronnos o conto que eliximos na biblioteca do cole.
Grazas amigos/as

jueves, 26 de abril de 2018

Visita de María Canosa


Hoxe visitounos a escritora María Canosa. Falounos do seu libro "O día que choveu do revés" Trouxo o seu propio paraugas, fose ser que a choiva alagase a nosa biblioteca. Por último asinounos os nosos exemplares.
Grazas María.





viernes, 9 de febrero de 2018

viernes, 2 de febrero de 2018

Visita ao Museo de Construción Naval de Ferrol

A pirata Alba, mostrounos o Museo de Construción Naval máis importante do mundo.
Mediante o xogo “Atopa o tesouro” fomos descubrindo a magnífica exposición que se atopa no edificio Herrerías: restos de barcos afundidos, maquetas de estaleiros, costelas de barcos…
Ao final, como non podía ser doutra maneira, atopamos o tesouro, un cofre cheo de moedas de “ouro”